لكن حربي طرد عشرين عتباني

محاورة بين شاعر الخليج صياف الحربي والشبح حبيب العازمي :

صيــــــــاف الحربي :-
العازمي قام ينقز و إيتحــــــــــــــــــــــداني
و إليا أنتهى الوقت جـــاب الشاعر الثاني
لكن حربي طرد عشرين عتـــــــــــــــــباني
يالاحي يوم أح يالاحي ياليحاني
العازمي يمشي على ضؤ النجــــوم 000 ضـــؤ اقمر يكبر و لايمشي معه

الليلة الملعبة يازين مذهـــبها
لبت طلبنا و حنا في مطالبهــا
لكن وارد عراوي وين راكبها
يالاحي يوم أح يالاحي ياليحاني
ياليتنا نسرح و نمرح كل يوم 000 هـــذا نفــــــــــــــر قبه و هذا نجمعه

حبيب العـــــــــــــــازمي :-
العازمي من رجال الدين و المله
و الله يالالا يالا لا ماتقـــــــــــابله
ترى عتيبه دواكـــــــــــم ياحريبله
يالاحي يوم أح يالاحي ياليحـــاني
العازمي شاعر لياجات اللـــــزوم 000 يلعب مع الحربي شوي و يسنعه
الملعبة فنها و فنونـــــــــــــها لنا
و أن كان زعلان منها ماتزعلنا
و إليا أنتها قافك الموال هــــونا
ماعاد باقي بيننا حبة خشـــــــــوم 000 تبأ تحط الســـــــــاق و إلا ترفعه

صيــــــــــــــــــــاف الحربي :-
أنته عتيبي و ربعـــــك كانت عتيبه
و اليوم كل الجماعة داخـــل العيبه
هاذي مصيبه وتبقى عندك مصيـبه
الطرقي اللي مايجينا بالعـــــــلوم 000 يقـرب من المشعاب حتى نصقعه
حنا ترانا بعيد و لا تـــــــــــــوالفنا
مير أكثر الناس مايعرف سـوالفنا
أثر عتيبه فنت لعـــــــــــــــلها تفنا
ترى حبيب لاحصــــــله تمر دوم 000 يوعد على صياف و يعض أصبعه

حبيب العازمي :-
ترى عتيبه مكانتها مكـــــــــانتها
بين القبايل بعتها و هيبـــــــــــتها
مانقص الوقت صملتها و قيمتـها
الذيب دايم في طويلات الرجــوم 000 و الارنبه دايم تصـــومع صومعه
حــــــــــــــنا رجــالٍ لياقمنا تكلمنا
لولا الحقايـــــــق ترانا ماتفاهمنا
و أن كان هاذي علومك لاتعلمنا
من عام الاول و أنت فالناس مخدوم 000 ترضى على البراد لو أبو أربعه

صيـــــــــــــاف الحربي :-
عز الله أن الولــــــــد ماهو ولد رخمه
لكن يسراه في يمناه ملتــــــــــــــــحمه
و إليا ركض ينفقع صدره من الفحــمه
عند اللزوم ايقوم و يسد اللـــــــزوم 000 طير يطير إليا كشـــــــفنا برقعه
الله يعيد الخميس و ليلة الجمـــــــــعة
كثر البكاء و الصياح و كبرت الدمعـة
حنا عزاز النفوس و لالــــــــــنا طمعة
فتح عيونك زين يالذيب العـــــــزوم 000 أما تشوفه شـوف و إلا تسمعه

الله يرحم صياف


ويعطيك العافيه


علىالمحاوره الرائعه

وبأأأأأأأأأرك الله فيك

ودمت بود....

مشكور اخي عبد السلام
على المحاوره الجميله
ولك خالص الشكر




تقبل تحياتي.......
سلطان العوني

لاهنت ياعبد السلام والله يرحم صياف

الله يرحمه
محاوره في قمة الروعه

شكرا على نقلها

الله يرحم صياف


ويعطيك العافيه

عليك رحمة الله الواسعة يا صياف

محاورة قوية جدا من طرف واحد
كعادات أبو مفلح الله يرحمه مايرحم و خصوصا اذا هو اللي بدى القاف

و يا ليت لو هي عندك صوت او صورة تزودنا بها
أو تحملها على اليوتيوب
و الا ارسلها لي يا ابو محمد
لا هنت
و يعطيك العافية

.

والله يابو فواز اني ادورها بشمعة .

يعطيك العافية يا ابو محمد
و كل مطرود ملحوق

.

محااوره جميله
ومواااالها جميل
االله لا يهينك يابو محمد